Si Mae Ngon Toke Nase

Si Mae Ngon Toke Nase
Bak Saboh Gampong nyang jeuoh dari Kuta Banda Aceh na sidroe aneuk yatim piatu tinggai bak saboh rumoh nyang di keubah lee ayah jih. Rumoh nyan jeut takeun jambo brok meunyoe ujeun boco ubong jih sampoe hana pat di eh si gam nyan. Nan si gam nyan Ismail tapi di tawok si Mae.
Hana jeuoh dari jambo nyan na rumoh ureung kaya sidroe peujabat anggota dewan bak kuta Banda Aceh. Rumoh jih cukop that rayeuk ngon awak kereuja limong droe bak pak Nasir (Nase) nyan. Pak Nase na aneuk Inong cukop that tari nan jih Safira ban tamat sikula sma.
Si Mae tip uroe jak keureuja jak mita eungkot di krueng atawa laot. Abeh nyan jih na dijak kuliah bak IAIN Arraniry, ka limong thon hana abeh2 lom kuliah jih.
Bak siuroe di rumoh pak Nase na geukheun :
Pak Nase : Hai Saleh soe ile tinggai bak jambo brok nyan? nyoe lon neuk peuget acara ulang thon aneuk lon. Malee teuh dikalon le ngon lon dikeu rumoh rayeuk na jambo brok.
Si Saleh  : Nyan rumoh si mae hai toke, jih katreb tinggai hinan teuma jareung ta kalon jih sibok jak u laot.
Pak Nase : Menyoe meunan ka jak bak jih kalakee bloe tanoh jih ngon rumoh jih padum yum? ka lakee siploh juta kajeut beuh. Na ka deungoe?
Si Nase   : Ka bereh nyan toke, lon lakee limong juta ile kadang di jok hahhaa....  ka keuh lon jak dilee beuh ..
Si Saleh ka di jak u jambo si Mae
Si Saleh : Assalamualaikom Mae...
Mae       : Alaikum salam bang, peu na haba ?
Si Saleh : Meunoe hai mae, toke lon geu yu tanyong peu tanoh kah katen geubloe le toke lon? geu lakee limong juta atawa padum kah lakee bayeu?
Mae       : Hahh... nyan han lon peubloe hai bang, cuma nyoe sagai peutinggai ayah ngon poma lon. memang hana yum bak ureung laen, tapi bagi lon cukop meuhai atra yah geubah.
Si Saleh : jadi han keuh ka peubloe? nyan beungeh toke lon abeh keuh? Gobnyan neuk peuget ulang thon si dara geuh akeuhad nyoe. Malee lah di keu rumoh meugah gobnyan na jambo kah haha.. kapreh beuh...
Mae       : Han bang, lakee meuah beuh...
Si Saleh ka dijak woe ngon abah meu pep-pep dikeun ke si mae, troh u rumoh toke Nase ban di peugah lageenyan cukop beungeh geuh toke Nase.
Toke Nase : Alah hai gam bangai, ku lakee bloe get-get hai katem, ho keuh Saleh ka mita preman gampng blahdeh siploh droe kayu jak leub jambo nyan kacok si gam nyan ka sipak lam paret keudeh hah hahhahhh. Nyoe pat peng limong juta ka bagi-bagi beuh ....
Hana preh lee si Saleh ka dijak mita ngon, peng limong juta ka dijok lee juta keu awak preman nyan lam hate si Saleh "ka laba dua juta uronyoe, pajan cit lom. tingkat sigam nyan sijuta tajok peng pih abeh jih"
Bak malam nyan siploh droe preman katroh bak rumoh si Mae.
Bos Preman : Ka ple laju meuyeuk tanoh ban saboh lingka beuh hahhahha...... Oi Gam ka teubit keunoe kah bek mate keuh. ku neuk thot rumoh kah nyoe haha hahhahha.....
Si Mae    : Peu salah lon bang?
Preman  : Rumoh kah han ek di kalon lee awak gampong kah hahahha.....
Si Mae   : Hana rusan rumoh lon nyoe atra lon, menyoe katok ku peuabeh keuh.....
Si Mae ka di cok parang panyang, awak preman pih ka siap ngon peudeng nyang leubeh panyang lom. Si Mae rupajih jago silek sampe preman nyan tinggai dua, nyang laen ka abeh teu jageung mandum bak tanoh.
Bos Preman : Ka jak thot laju rumoh jih bak kee lawan si Mae nyoe...
Si droe preman ka dijak dan dithot laju rumoh si Mae, ban dikalon rumoh ka tutong jih ka leumoh dan preman nyan pih ka diplung.
Si Mae tinggai sidroe ngon ie mata ka ro di keun lam hate "Ya Allah, pakon dithot rumoh lon. neu bi keuh balasan keu ureung nyang jahat keu lon nyoe. Amin.
Bak malam nyan si Mae ka tinggai tanoh mantong, rumoh jih ka abeh dithot dan jih cuma seumpat peuseulamat ijazah jih.